اردو ویب سیارہ

اردو بلاگنگ میں یہ کہہ لیں، میرے جمعہ جمعہ آٹھ دن ہوئے ہیں، اور میں کوئی اتنا تجربہ کار بھی نہیں ہوں، چند دن پہلے یہاں انٹرنیٹ پر اردو ویب سے آشنائی ہوئی، کمال ہو گیا، مجھے تو جیسے خزینہ مل گیا، اجی! یوں کہیں کہ گلدستہ مل گیا، اردو کی لائبریری جس پر چند ہی کتب دستیاب ہیں، مگر کمال ہیں، اردو وکی کیا بات ہے اور سیارہ، سیارے پر گھومتے گھماتے اپنے آپ کو متعارف کرا دیا، امید تو نہ تھی، مگرخوشگوار حیرت ہوئی جب ڈفر جی کو اپنے ہاں پایا، انتہائی خوشی ہوئی، ڈفر بھائی آپ کی آمد کا بہت بہت شکریہ، یقین جانیے، انتہائی خوشی ہوئی۔ آپ کے نام سے بی بی سی اردو ڈاٹ کام پر آگاہی تھی پہلے سے، چنانچہ خوشی دوبالا ہو گئی۔
پھر یوں ہوا کہ میں نے ایک تجرباتی تحریر اپنی ایمیل سے بھیجی تھی، جو کہ میرے بلاگ میں تو بعد میں آئی، پہلے سیارے پر دیکھ کر کچھ ڈر سا گیا کہ لو بھیا، یہ کیا ہوا؟اس غلطی پر معافی چاہوں گا۔
بہر حال حوصلہ افزائی کا شکریہ،۔