نئی تھیم کی تنصیب

صلہ عمر پر نئی تھیم نصب کی گئی ہے، تمام قارئین سے گذارش ہے کہ اس بارے اپنی رائے کا اظہار کریں، نیز اگر کوئی مسئلہ دیکھیے تو وہ بھی بتائیں، اگر ساتھ ہی ممکنہ حل بھی تجویز کر دیں تو نوازش، کیونکہ اردوانے کے عمل میں جتنا میں سمجھ سکا ہوں اتنا کر دیا۔ یہ تھیم انگریزی سے اردو میں ڈھالی گئی ہے، جس کے لیے اردو محفل، جہانزیب صاحب کا شکر گذار ہوں۔ 
اس کے علاوہ بھی جناب یہ کارستانی ڈفر پاء کی بھی ہے کہ انھوں نے مہاجر خان کو میری جانب "موڑ" دیا اور ان کی تھیم اردوائی تو سوچا کیوں ناں بیک اپ میں پڑی ایک انگریزی تھیم اپنے لیے کیوں ناں اردواؤں، تو ان دو صاحبان کا بھی تہہ دل سے شکر گزار ہوں۔
چند معلوم مسائل تھیم بارے:۔
۔ یہ تھیم ابھی تک صرف فائر فاکس میں تجربہ کی گئی ہے، انٹرنیٹ ایکسپلورر یا کسی دوسرے براؤزر کا پتہ نہیں، جلد ہی ان میں بھی تجربہ کیا جائے گا۔
۔ تبصرہ کرنے میں شاید دشواری درپیش ہو کیونکہ وہ پہلے والا کلیدی تختہ اب میسر نہیں ہے، موقع ملتے ہی اسے بھی نصب کرتا ہوں۔
۔ اس تھیم کے رابطوں میں ابھی ربط فراہم کرنا باقی ہے۔
دل کھول کر اپنی رائے کا اظہار کریں، ایک بار یہ مکمل طور پر قابل استعمال ہو جائے گی تو اسے اردو محفل پر پیش کیا جائے گا۔